Манчестер Јунајтед и Ливерпул одиграа одличен натпревар на “Олд Трафорд” и ремизираа 2-2. Ова е резултат со кој секако гостите не се премногу задоволни, со оглед дека ги подзапре во налетот при трката за шампионската титула.
Луис Дијаз го доведе Ливерпул во водство во 23.минута, но израмни Бруно Фернандеш во 50.минута.
Младиот Коби Маину во 67.минута се погрижи за целосен пресврт, но бод за Ливерпул спаси Мохамед Салах од пенал во 84.минута.
Ливерпул сега се наоѓа на втората позиција со 70 бода, еден бод зад Арсенал, но има и еден одигран натпревар помалку.
