Мохамед Салах остана на клупата за резерви во ремито против Лидс (3-3), а по натпреварот отворено проговори за своето незадоволство од одлуката на тренерот Арне Слот.
Ливерпул минува низ многу тешка сезона, а зборовите на Салах дополнително ја влошија ситуацијата и создадоа вистински земјотрес во клубот.
„Навистина сум разочаран. Толку многу му дадов на овој клуб, сите го знаете тоа. Не можам да сфатам зошто седам на клупата. Имам чувство дека нешто не е во ред, како да ме поткопуваат. До неодамна мислев дека имам добар однос со тренерот, но одеднаш се смени ситуацијата. Првпат во кариерата седам на клупа на три натпревари по ред. Ова дефинитивно не го заслужив. Се чувствувам како Ливерпул да ме фрлил под автобус. Очигледно некој не сака веќе да сум тука“, изјави Египќанинот.
Актуелниот англиски првак се мачи со формата и има само две победи во последните десет натпревари во Премиер – лигата.
