Англиските ѕвезди се разгоропадија против Македонија на „Олд Трафорд“, а најблескаво издание прикажа Букајо Сака, кој беше стрелец на хет-трик. Тој вели дека топката од овој меч ќе ја врами и ќе ја чува на посебно место во својот дом.
„Не се сеќавам кога последен пат сум постигнал три гола на еден натпревар, дури ни во младинските категории. Момците беа фантастични, а јас само ги искористив шансите што ги создадовме. Ако морам да изберам, секако вториот гол беше најубав. Си ја земав топката за спомен, ќе има посебно место во мојот дом“, изјави голгетерот на Арсенал кој синоќа даде три од седумте гола на Англичаните.
