Хрватскиот стратег Игор Тудор ќе биде нов тренер на Лацио. Сите детали се веќе договорени со раководството на клубот и тој треба од почетокот на следната седмица да го преземе тимот.
Маурицио Сари претходно поднесе изненадувачка оставка од тренерската позиција на „лацијалите“, а овој викенд тимот ќе го предводи неговиот досегашен асистент.
Се очекува Игор Тудор да потпише договор на една и пол сезона, со можност за продолжување на соработката за уште една дополнителна година.
Лацио во моментот се наоѓа на деветтото место во Серија А и е далеку од позициите кои водат во Европа.
