Германскиот и европски првак Баерн Минхен нема да дозволи Дајот Упамекано да замине од Бундес-лигата иако за него се заинтересирани и други европски гиганти. Баварскиот клуб потврдува дека по завршувањето на сезоната ќе се обиде да го купи одличниот дефанзивец на Лајпциг. Неговата вредност изнесува околу 45 милиони евра.
„Го следиме многу внимателно и можам да кажам дека Баерн Минхен ќе биде активен во летниот преоден рок. Јасно е дека Баерн сака да го има најдоброто од Бундес – лигата во своите редови“, изјави Карл – Хајнц Румениге.
Покрај Баерн Минхен, за Дајот Упамекано се заинтересирани Манчестер Јунајтед, Челси, Манчестер Сити, Тотенхем, Јувентус, Интер, Барселона, Пари Сен Жермен, Реал Мадрид…
