Реал Мадрид договорил големо засилување за одбраната, а ќе пристигне на лето како слободен агент. Германскиот интернационалец Антонио Рудигер одлучил да ја продолжи кариерата на „Сантијаго Бернабеу“, тврдат шпанските медиуми.
Поранешниот фудбалер на Штутгарт и Рома ќе замине во Шпанија по четири години минати во Англија носејќи го дресот на Челси. За него ова ќе биде договор на кариерата, со оглед дека ќе заработува повеќе од 10 милиони евра, слично како и Алаба кој минатото лето пристигна од Баерн за плата од 11 милиони евра годишно.
Во моментов германскиот репрезентативец има нешто повеќе од 6 милиони евра во Челси, па јасно е дека ќе земе значително повеќе пари од Реал. Ќе потпише четиригодишен договор, а престојот на „Бернабеу“ ќе биде вистинска круна на неговата кариера.
Реал ќе му достави официјална понуда во јануари, кога ќе може слободно да преговара со други клубови, а Германецот ќе потпише преддоговор со мадридскиот гигант.
