Роналдо в среда со прв тренинг на „Олд Трафорд“

Кристијано Роналдо во четвртокот го напушти кампот на португалската репрезентација и пристигна во Манчестер, за што е можно побрзо да се приклучи на тренинзите на тимот. Сепак, тој мора да го испочитува периодот од пет дена во изолација, па затоа првиот тренинг со тимот на Манчестер Јунајтед ќе го има в среда.

Сепак, португалскиот интернационалец тренираше во својата нова вила во Манчестер, каде ги има сите предуслови за подобрување на физичките способности.

Првиот натпревар на Роналдо ќе биде в сабота на „Олд Трафорд“ против Њукасл, а Португалецот вели дека е подготвен за дебито.