Португалскиот ас Кристијано Роналдо повторно ќе настапува со легендарната „седумка“ на грбот во дресот на Манчестер Јунајтед по враќањето во англискиот премиерлигаш. Клубот доби дозвола од Премиер – лигата за промена на броевите на дресовите.
Оваа сезона Единсон Кавани беше регистриран со бројот „7“, но по заминувањето на Даниел Џејмс во Лидс Јунајтед, тој ќе си го земе својот „21“, што го носи и во репрезентацијата на Уругвај. На Роналдо му припадна неговата „седумка“.
Фановите на Манчестер Јунајтед повторно ќе имаат можност да навиваат за „CR7“.
