Кристијано Роналдо сè почесто ја користи секоја можна прилика за во свој стил да се самопрогласи за најдобриот фудбалер во историјата.
Португалецот неодамна во едно интервју зборуваше за себе само во суперлативи кога станува збор за многу фудбалски категории, а сега доби одговор од неговиот имењак од Бразил.
Легендарниот Роналдо Назарио ги коментираше тврдењата на Португалецот за бразилските медиуми.
„Кристијано Роналдо за себе вели дека е најдобриот во историјата? Воопшто не го делам неговото мислење, можеби има место во Топ 10. Според мене, тројцата најдобри играчи во историјата се – Пеле на прво место, а веднаш зад него Меси и Марадона“, изјави Роналдо Назарио.
