Португалскиот ас Кристијано Роналдо продолжува да стрела и да урива рекорди во Серија А. Синоќа постигна два гола во убедливиот триумф (0-4) на Јувентус против Парма и го надмина рекордот на Пеле, станувајќи најдобар стрелец на сите времиња.
Со двата гола против Парма, Роналдо дојде до бројката од 758 гола во кариерата и за еден гол го подобри неверојатниот рекорд на Пеле кој беше на сцената повеќе од четири децении.
Јувентус со триумфот над Парма стигна до 27 бода и се израмни со второпласираниот Интер кој денеска ја пречекува Специја на „Џузепе Меаца“.
