Португалската ѕвезда Кристијано Роналдо и дефинитивно нема да биде дел од составот на Јувентус на утрешниот меч против Барселона во Лигата на шампионите. Тој и понатаму е позитивен на Covid-19 и мора да остане во изолација. Ова значи дека нема да се случи пресметката со Лионел Меси, неговиот најголем „ривал“ од периодот кога го носеше Реал Мадрид, но и во трката за освојување на престижната награда „Златна топка“ изминатата деценија.
Барселона и Јувентус остварија победи во првото коло од Лигата на шампионите, а утревечер во Торино го играат големото дерби од групата Г во елитното европско клупско натпреварување.
