Португалскиот ас Кристијано Роналдо се врати во Манчестер Јунајтед каде ќе се обиде да ги нападне трофеите со клубот оваа сезона. Но, никогаш не заборава од каде дошол и каде ги направил првите фудбалски чекори.
Роналдо на својот Инстаграм објави дека, во соработка со Најк, го реновираше фудбалскиот терен каде што израсна и каде ги постигна своите први голови. Игралиштето се наоѓа во Фуншал, неговиот роден град, и на овој начин Роналдо, како што напиша во објавата, го враќа долгот кон заедницата што му даде многу во младоста.
