Рома е заинтересирана за дефанзивецот на Ајакс, Јуриен Тимбер. Спортскиот директор на „волчицата“, Тијаго Пинто, работи на пронаоѓање квалитетен централен бек и се насочил кон 21-годишниот Холанѓанец, открива „Газета дело спорт“.
Тимбер беше една од големите трансфер цели на Манчестер Јунајтед во текот на летото, но двата клуба не можеа да се договорат и тој остана на арената „Јохан Кројф“ во Амсердам потпишувајќи и нов договор до 2025 година.
За него е заинтересиран и Баерн Минхен.
Привлекувањето на Тимбер, сепак, нема да биде лесно за Рома. Освен што има долгогодишен договор со Ајакс, Холанѓаните не се под притисок да го продадат, а за неговите услуги ќе бараат минимум 45 милиони евра. Таква сума е надвор од можностите на италијанскиот клуб во моментот.
Тимбер е производ на школата на Ајакс и дебитираше за првиот тим во 2019 година. За гигантот од Амстердам досега има 84 натпревари, четири гола и две асистенции. Тој е и холандски репрезентативец со 10 настапи за „лалињата“.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski