Рој Кин: Да бев Кристијано Роналдо, него ќе го претепав во соблекувалната

Рој Кин важеше за жестоко момче на теренот, а продолжи да коментира и да ги анализира фудбалските натпревари во негов жесток стил. Затоа е и интересен, а изјави дека би го претепал Жоао Феликс во соблекувалната да е на местото на Кристијано Роналдо.

„Ова момче е измама. Вистинска измама. Што, тој вреди 100 милиони? Да бев Роналдо, ќе го истепав во соблекувалната”, рече Рој Кин.

Жоао Феликс влезе во второто полувреме на мечот против Белгија, но не помогна премногу во обидот Португалците да стигнат до израмнување. На крајот, европскиот првак Португалија доживеа елиминација откако загуби со 1-0, со голот на Торган Азар во 42.минута.