Родри: Сонот стана јаве…Сите во Сити ова го заслужија

Манчестер Сити е новиот европски првак, откако во финалето на стадионот „Ататурк“ во Истанбул го совлада Интер со 1-0. Стрелец на победничкиот гол беше Шпанецот Родри.

После големиот триумф и историската прва европска титула, Родри не ја криеше радоста.

„Сонот стана јаве. Ова е фантастична вечер за сите нас. За сите фанови на Сити. За сите кои се дел од Сити. Ова сите ние го заслуживме. Бевме толку блиску и изминатите години, но сега сме на врвот“, изјави Родри веднаш по победата во финалето.