Полскиот фудбалер и напаѓач на Баерн Минхен, Роберт Левандовски, е добитник на наградата за најдобар спортист во светот што ја доделува Меѓународната асоцијација на спортски новинари.
Тоа е на некој начин утешна награда со оглед на тоа што Лео Меси ја освои „Златната топка“.
Левандовски оваа награда ја освои и минатата година, а оваа сезона собра 435 поени, пред Макс Ферстапен со 349 поени и Лионел Меси кој имаше 311 поени.
Во женска конкуренција признанието го понесе атлетичарката од Јамајка, Елејн Томпсон Хера.
За најдобар тим е прогласен европскиот шампион во фудбал, селекцијата на Италија со 767, додека Баерн Минхен имаше 503 бода.
