Бразилецот Ривалдо, кој е светски шампион од Мундијалот 2002, ги смета Лионел Меси и Пеле за најголемите фудбалери во историјата.
„Меси или Пеле. Не го гледав Пеле како игра, само гледав видеа, сите велат дека бил одличен. Тој освои три светски првенства и е Бразилец, но Меси е како Пеле. Неговата цел беше да ја освои светската титула. Трофејот што му требаше во неговата кариера и на крајот успеа да го освои. Оној ден постигна три гола против Боливија. Тој го менува фудбалот и се надевам дека ќе продолжи да игра, за да можеме да уживаме во него. Не е важно од каде си, затоа што тоа е Меси“, изјави поранешниот играч на Барселона.
Меси го носеше дресот на Барса од 2000 до 2021 година, дебитирајќи за првиот тим во сезоната 2004/05.
