Челси официјално го објави својот нов капитен по заминувањето на претходниот Цезар Аспиликуета во Атлетико Мадрид. Наследник на шпанскиот ветеран е Рис Џејмс, кој е дете од академијата на Челси.
23-годишниот фудбалер е дел од првиот тим од сезоната 2019/20. Оттогаш, десниот бек одигра 147 натпревари со 11 гола и 20 асистенции за лондончани.
Англискиот интернационалец досега со тимот ја освои Лигата на шампионите, Светското клупско првенство и Суперкупот на Европа.
