Репрезентативците летнаа за Абу Даби (ФОТО)

Фудбалската репрезентација на Македонија составена од фудбалери од домашното првенство, надополнета со Кристијан Тошевски и со Дарко Велковски, кој ќе се приклучи на лице место, летна за Абу Даби, на пријателскиот меч против Саудиска Арабија.

Бесарт Ибраими и Ферхан Хасани како најискусни во националниот тим, но и Љупчо Дориев, Бојан Димоски, Кристијан Наумовски и Игор Алексовски како актуелни репрезентатовци, се очекува да ги предводат останатите, кои се надополнети и со Али Адем, Влатко Стојановски, Бојан Илиевски, веќе докажани сили дома и во странство.

Репрезентативците ќе имаат три дена да се аклиматизираат со оглед дека мечот со Саудиска Арабија е закажан за в сабота.