Фудбалерите на Брера ремизираа без голови против романскиот Селимбар во првиот контролен меч од подготовките за новата првенствена сезона. Тренер Џовано Валенти по мечот изрази задоволство од прикажаната игра.
,,Мислиме дека нашите играчи се во добро расположение и пробуваат да го играат нашиот стил. Работевме многу на подигање и сега гледаме дека процесот на учење оди многу добро. Имавме можност да направиме нешто во финишот, но знаеме треба да работиме уште многу. Треба да се работи многу, за се, за целиот тек на натпреварот. Процесот се одвива добро, момците се фокусирани на тренингот и моето мислење е дека тие се вклопија на еден добар начин, се држат заедно. Изгледаат силно, тренираат напорно и покажуваат сила овде во Банско“, изјави Џовано Валенти по мечот со романскиот Селимбар.
Вардар одигра 1-1 против второлигашот Арсими. Голот на Вардар беше автогол на тимот на Арсими, додека погодокот за второлигашот беше дело на Амар Емрули.
