МАКФУДБАЛ во Прага,
Никола Ѓуровски
Македонија доживеа пораз (2-0) од Украина во Прага. Од дуелите со нас, Украинците освоија шест бода и се уште се во трка за второто место во групата.
Селекторот на Украина, Сергеј Ребров, вели дека мечот беше содржаен, со многу шанси, а успеале да победат силна селекција како Македонија.
„Не беше лесно да се игра овој натпревар, со оглед дека и двете селекции многу ја посакуваа победата. Мислам дека победивме еден силен тим, кој имаше свои шанси, но за наша среќа и не успеаја да ги реализираат. Им честитам на моите момци за триумфот и сега се насочуваме кон мечот против Малта што ни следува“, изјави Сергеј Ребров.
