Агентите на Винисиус Жуниор ја започнаа првата рунда преговори со Реал Мадрид за нов договор на 24-годишниот крилен напаѓач, објави „Релево“.
Според изворот, клубот веќе ја дефинирал платата што е подготвен да му ја понуди на Бразилецот, но неговите агенти сметаат дека тој заслужува повисоки примања.
Реал Мадрид е свесен дека овие преговори нема да бидат лесни, бидејќи за Винисиус има сериозен интерес од клубови од Саудиска Арабија, кои се подготвени да му понудат значително повисока плата.
Неговиот актуелен договор со „кралевите“ е валиден до летото 2027 година.
