Германскиот репрезентативец Леон Горецка следното лето ќе го напушти Баерн Минхен како слободен агент и ќе пристигне во Реал Мадрид, тврди „Марка“. Тој ги следи стапките на Давид Алаба, кој откако не успеа да постигне договор со Баерн за продолжување на соработката се пресели на „Сантијаго Бернабеу“. Истото се очекува да го стори и Горецка.
Горецка игра во Баерн Минхен од 2018 година и за три сезони освои се што можеше на „Алијанц арена“. Неговиот договор истекува во јуни 2022 година.
За одличниот играч за врска постои интерес и од Манчестер Јунајтед.
