Повредата на Давид Алаба е вкупно 20-та што го снајде играч на Реал Мадрид оваа сезона. Австрискиот интернационалец синоќа ги скина вкрстените лигаменти на коленото поради што ќе биде надвор од терените околу 8 месеци.
Едер Милитао и Тибо Куртоа ги претрпеа истите повреди во текот на летото.
Меѓу останатите играчи на „кралевите“, кои веќе имаа повреди или се уште ги лекуваат, се Арда Ѓулер, Едуардо Камавинга, Ферлан Менди, Даниел Карвахал, Винисиус Жуниор…
Честите повреди веројатно беа причина за одлуката на клубот да го отпушти главниот доктор Нико Михиќ пред еден месец.
Наспроти позадината на сите овие проблеми, тимот на Карло Анчелоти сè уште е предводник во Ла Лига (пред денешниот натпревар во Џирона), се пласираше во осминафиналето на Лигата на шампионите, допрва треба да го започне учеството во Купот на Кралот и е пред борба за шпанскиот Суперкуп.
