Реал Мадрид летово не го пронајде напаѓачот кој го посакуваше, по заминувањето на Карим Бензема. Во клубот пристигна Хоселу, кој е единствената вистинска „деветка“ во тимот, а веќе во јануари ситуацијата може да се промени.
Мадриѓаните внимателно го следат напаѓачот на Феенорд, Сантијаго Хименез (22), кој новинарите го прашаа по натпреварот на холандскиот шампион против Атлетико во Лигата на шампионите, што мисли за потенцијалното доаѓање во главниот град на Шпанија.
Хименез не настапи на тој меч, бидејќи одлежуваше казна за црвен картон од минатата сезона.
„Би сакал да играм за Реал Мадрид, секако. Тоа е голем клуб. Тоа би било фантастично“, изјави Хименез, кој беше малку и изненаден од прашањето.
Мексиканецот сезонава веќе постигна десет гола, а посебно се истакна на неодамнешното дерби против Ајакс, кога постигна хет-трик во Амстердам.
Во последната сезона во која Феенорд ја освои титулата во Холандија, тој постигна 33 гола.
