Шпанскиот шампион и освојувач на Лигата на шампионите, Реал Мадрид, стана првиот европски клуб кој заработил повеќе од една милијарда евра во сезоната 2023/24, според 28-то издание на извештајот на фудбалската лига на пари, објавен од ревизорската консултантска куќа „Делоит“.
Со промет од 1.045 милијарди евра (претходната сезона заработи 831 милион евра), Реал имаше најголем приход меѓу 20-те најдобри европски клубови.
Според ревизорската и консултантска фирма „Делоит“, 20-те најголеми клубови оствариле вкупни приходи од 9,2 милијарди евра во сезоната 2021/22. „Делоит“ наведува и дека вкупниот приход на 20-те најголеми клубови во сезоната 2023/24 е во однос на претходната сезона (10,5 милијарди евра) е зголемен за шест отсто, на 11,2 милијарди евра.
Зад Реал Мадрид се Манчестер Сити (838 милиони евра), ПСЖ (806), Манчестер Јунајтед (771) и Баерн Минхен (765).
„Делоит“ посочува две причини за зголемување на заработката.
„Најдобрите клубови можеа да ги зголемат приходите на денот на натпреварите со зголемување на капацитетот на нивните стадиони или со воведување премиум понуди за денот на натпреварот“, објасни Стефан Лудвиг, шеф на германската спортска деловна групација на „Делоит“.
Комерцијалниот приход растеше, на пример, со организирање надворешни настани на стадионот. Фудбалските клубови сфатија дека мораат да ги пласираат своите средства на различни начини и да бидат повеќе од само спортски бренд.
