Украинскиот фудбалскиот клуб Десна од Чернигов остана без стадион, соопшти клубот на своите социјални мрежи. Стадионот „Јуриј Гагарин“ кој се наоѓа во северниот дел од Украина, на самата граница со Белорусија, е разурнат од бомбите на руската армија.
„Веќе третпат ни го погодија стадионот. Окупаторот го уништува нашиот град, а сега и нашиот стадион. Ова се фотографии од синоќешното бомбардирање. Но, ние ќе го изградиме повторно. Ќе бидеме уште подобри и посилни од вас, соседи. Битка за вистината, победа за Украина“, објави украинскиот клуб Десна.
