Босанскиот интернационалец Един Џеко е во жестока кавга со тренерот Пауло Фонсека и сака да си замине од клубот доколку раководството го поддржи шефот на стручниот штаб. Италијанскиот клуб размислува за две опции, да го доведе Масимилијано Алегри на клупата или пак да се обиде да направи размена на напаѓачите со Пари Сен Жермен.
Рома е подготвена да го испрати Един Џеко на позајмица во ПСЖ до крајот на сезоната, а од Париз да го доведе аргентинскиот интернационалец Мауро Икарди. Тој исто така е во втор план во ПСЖ и не би имал ништо против да се врати во Серија А.
