Раул Хименез е свесен, но ноќта ќе ја мине во болница поради повредите на главата

Мексиканскиот интернационалец Раул Хименез се здоби со повреди на главата по жестокиот судир со Давид Луиз уште на почетокот од мечот на „Емирати“ меѓу Арсенал и Вулверхемптон. Беше изнесен на носилки од теренот и веднаш е префрлен во болница каде ќе остане во текот на ноќта и ќе се следи неговата здравствена состојба. 

Хименез е свесен, направени се детални лекарски прегледи и тој ќе добие соодветен третман. Се уште не е познато кога би можел да се врати на фудбалските терени.