Шпанскиот тим Вилјареал вечерва во Белфаст (21 часот) ќе се соочи со европскиот првак Челси за трофејот во Суперкупот на УЕФА. Освојувачот на пехарот во Лигата на Европа ќе се обиде да го победи и најдобриот тим за минатата сезона во елитното натпреварување.
„Знаеме дека не очекува 90 минути, а можеби и повеќе, страдање и напорна работа, но сакаме да им донесеме радост на нашите фанови. Вилјареал е тим кој умее да ги победи најдобрите и тоа сме го докажале неколкупати. Ние сакаме да растеме како тим, така што ова е одлична можност да се игра против врвен тим. Ќе се обидеме да победиме“, изјави искусниот дефанзивец на Вилјареал, Раул Албиол.
Мечот за Суперкупот на УЕФА ќе се одигра вечерва (21 часот) на „Виндзор парк“ во Белфаст.
