Рамзи во Арсенал, Белерин во Јувентус

Јувентус и Арсенал започнаа преговори за размена на играчи. Италијанскиот калчолигаш сака да се ослободи од Арон Рамзи, а неговиот поранешен клуб Арсенал е заинтересиран да го врати во Лондон. „Топчиите“ се подготвени во размена да го понудат шпанскиот интернационалец Хектор Белерин кој сака нов предизвик.

Белерин и претходно се поврзуваше со можен трансфер во Јувентус, а повратникот на клупата, тренерот Масимилијано Алегри дал согласност за негово доаѓање во редовите на „старата дама“.