Реал Мадрид беше фаворит, но не успеа да слави во дуелот со Рајо Ваљекано. Домаќинот успеа да извлече бод играјќи 3-3 против „кралевите“.
Рајо изненадувачки дојде до водство од 2-0 со головите на Лопез и на Мумин, но пред крајот на полувремето Реал возврати преку Валверде и Белингам.
Во 56.минута Родриго направи целосен пресврт, но Иси Палазон повторно израмни на 3-3 во 64.минута од мечот. До крајот, „кралскиот клуб“ не успеа да стигне до победа и мораше да се задоволи само со бод.
Реал Мадрид сега заостанува еден бод во однос на Барселона на врвот на табелата во Ла Лига.
