Легендарниот ас на Манчестер Јунајтед, Рајан Гигс, поднесе оставка од селекторската позиција во репрезентацијата на Велс. Со оглед дека го очекува судење поради физички напад над неговата девојка Кејт Гревил и нејзината помлада сестра Ема, тој донесе одлука да се повлече од селекторското место.
Велс за првпат по 64 години пауза ќе игра на Светско првенство, но во Катар ќе ја предводи друг стратег.
„Се повлекувам од селекторската функција на Велс. Ми беше чест и привилегија да ја предводам мојата земја. Оставам ФА на Велс и моите соработници да се подготвуваат за Мундијалот во Катар. Пред мене е судска борба во Манчестер, и не можам да се посветам на селекторските обврски. Не сакам ова да влијае на подготовките и настапот на репрезентацијата во Катар“, стои во соопштението на Гигс испратено до федерацијата на Велс.
