Рафиња ќе ги одбие понудите од неколку премиелигаши и на лето ќе пристигне на „Камп Ноу“. Според шпанските медиуми, фудбалерот на Лидс постигнал договор за преселба во Барселона.
Рафиња ги договорил личните услови околу петгодишниот договор со Барселона, а сега останува на раководството на двата клуба околу цената на трансферот.
Агент на Рафиња е поранешниот фудбалер на Барселона, Деко, а тој сака што побрзо да се реализира трансферот и ќе одбие секаква понуда од друг клуб.
Бразилецот оваа сезона постигна девет гола во Премиер – лигата и имаше три асистенции.
