Академија Пандев и официјално го промовираше Марјан Радески, најголемото засилување за новата натпреварувачка сезона.
25-годишниот македонски репрезентативец денеска потпиша договор со струмичани, веднаш приклучувајќи се на подготовките за новата сезона.
„Еден од најдобрите напаѓачи во нашата лига кој подеднакво добро игра и на крилните позиции доаѓа како големо засилување за нашиот тим“ – информираа од Академија Пандев по потпишувањето на договорот со довчерашниот фудбалер на Шкендија.
Радески претходно во кариерата има настапувано и за екипите на Металург и 11 Октомври од Прилеп.
