Македонскиот прволигаш Работнички влегува во втората фаза од зимските подготовки. Со вчерашниот прв интерен тест, тренерот Александар Влахо ги воведе фудбалерите во следниот сегмент, одигрување пријателски натпревари и воигрување на составот за пролетниот дел од првенството.
Првиот пријателски натпревар „романтичарите“ ќе го имаат в среда против Борец, а три дена подоцна ќе тестираат и против Тетекс. Тимот на 26. јануари ќе замине на подготовки во Охрид, а следниот ден ќе одигра пријателски натпревар со Ренова.
На 30.јануари Работнички ќе одигра пријателски натпревар против Струга Трим Лум, на 3. фавруари ривал ќе биде Пелистер, а последната контрола пред стартот на пролетниот дел од шампионатот ќе биде на 6.февруари, против тимот на Тиквеш.
Работнички доведе шест засилувања во зимскиот преоден рок, а на проба во моментот се наоѓа младиот српски напаѓач Јован Петровиќ.
