Работнички се засили со Фати Исмаили

Македонскиот прволигаш Работнички го доведе дефанзивецот Фати Исмаили. Тој доаѓа од редовите на актуелниот шампион Шкупи, каде ја носеше и капитенската лента.

Исмаили треба да ја зголеми конкуренцијата во одбраната и треба да биде квалитетно засилување на стоперските позиции кај „романтичарите“. Тој може да одговори и на левата бековска позиција.

Исмаили денеска стави потпис на договорот и веќе му се стави на располагање на шефот на стручниот штаб Љупчо Марковски.