Милан Илиевски веќе не е шеф на стручниот штаб на ФК Работнички, информираше прволигашот на официјалниот сајт. По вчерашниот пораз (3-0) од Шкупи клубот постигна спогодбен раскин на договорот.
„Клубот му се заблагодарува на Милан Илиевски за досегашната напорна работа и му посакува среќа во понатамошната кариера.
ФК Работнички информира дека во наредните денови ќе биде донесена одлука кој ќе го предводи тимот во наредниот период“, објави ФК Работнички на официјалниот сајт.
Работнички во следното 13. коло на домашен терен го пречекува Силекс.
