Работнички го доведе младиот Димитриј Попоски од Борец

Македонскиот прволигаш Работнички доведе уште едно ново име. Младиот и талентиран фудбалер Димитриј Попоски е нов член на „романтичарите“, објави клубот од Дебар Маало. Тој има 19 години, доаѓа од редовите на Борец и игра на левата бековска позиција.

Попоски претходно настапувал и за младинските академии на Вардар и на Њу Старс. Тој треба да ја засили конкуренцијата на левата бековска позиција и треба да претставува иднина на клубот.