Францускиот првак Пари Сен Жермен тргнува во нов обид за ангажман на играчот за врска на Тотенхем, Деле Али. На барање на новиот тренер Маурисио Покетино, поранешниот англиски репрезентативец треба до крајот на зимскиот преоден рок да се пресели на „Паркот на принцовите“.
Во периодот додека Покетино беше на кормилото на Тотенхем, Деле Али беше еден од најдобрите играчи и стандарден англиски репрезентативец. Неговиот статус драматично се промени со доаѓањето на Жозе Мурињо, па Деле Али инсистира да си замине од Тотенхем за да може да се врати и во националниот тим на Англија за Европското првенство кое ќе се игра во јуни.
Тој има договор со Тотенхем до јуни 2024 година, но би можел да замине на шестмесечна позајмица во Пари Сен Жермен, со опција за комплетно откупување на договорот.
