Бразилскиот офанзивец Винисиус Жуниор доби огромна понуда од Пари Сен Жермен, кој го гледа како замена за Килијан Мбапе, пренесува „Билд“.
Трансферот се проценува на неверојатни 250 милиони евра, што би го соборило рекордот од 222 милиони евра, кои ПСЖ ги плати на Барселона за Нејмар во 2017 година.
Иако Реал Мадрид засега не покажува интерес за продажба, бидејќи Винисиус има договор до 2027 година и повеќепати изјави дека се чувствува пријатно во Мадрид, можно е оваа приказна да добие неочекуван пресврт.
Винисиус оваа сезона настапи на 17 натпревари во сите натпреварувања, постигна 12 гола и додаде уште седум асистенции. Во Реал пристигна во 2018 година од бразилскиот Фламенго за трансфер вреден 45 милиони евра.
За репрезентацијата на Бразил дебитираше во 2019 година и досега има 35 настапи, на кои постигна пет гола.
