Пари Сен Жермен победи во трката за потписот на играчот од средниот ред на Спортинг Лисабон, Мануел Угарте, пишува францускиот весник „Л’Екип“.
Се очекуваше уругвајскиот играч за врска да потпише за Челси, но на крајот тој ги избра парижаните за следен клуб во кариерата.
Доцна синоќа стана јасно дека „сините“ од Лондон се повлекуваат од преговорите, иако не беше наведена причина. 22-годишниот Угарте се очекува да потпише за ПСЖ веќе денеска, а францускиот клуб ќе плати околу 60 милиони евра за неговите права.
Дефанзивниот играч за врска има 47 настапи за Спортинг Лисабон оваа сезона, како и осум настапи за Уругвај.
