Пари Сен Жермен ја добива трката за уште еден бразилски талент, Габриел Москардо, пренесува „Спорт“. Има само 18 години и игра на позицијата дефанзивен играч за врска, но за многу кратко време успеа да ги убеди скаутите на голем број европски клубови дека е еден од најталентираните млади фудбалери во Јужна Америка.
Барселона, Челси и Милан беа другите тимови кои се надеваа дека ќе постигнат договор за него со Коринтијанс, но на крајот клубот ја прифатил понудата на ПСЖ.
Тинејџерот го имаше своето деби во бразилската елита во јули и веднаш импресионираше со своите настапи.
