Преговорите меѓу Осман Дембеле и раководството на Барселона за нов договор пропаднаа, а европски гиганти сакаат да ја искористат оваа ситуација. Пари Сен Жермен и Јувентус се засега најконкретни во намерата да го придобијат францускиот интернационалец.
Договорот на Дембеле со Барселона истекува на крајот на сезоната и тој ќе може слободно да преговара со стартот на 2022 година.
ПСЖ во Дембеле гледа идеална замена за Мбапе, кој ќе го напушти клубот на крајот на сезоната и најверојатно ќе се пресели во Реал Мадрид. Но, и Јувентус би сакал да го види крилниот играч во своите редови.
