Францускиот шампион ПСЖ го продаде аргентинскиот напаѓач Мауро Икарди на турскиот клуб Галатасарај. Зделката е договорена за 10 милиони евра, а Аргентинецот ќе потпише повеќегодишен договор со турскиот гигант.
Мауро Икарди наскоро и официјално ќе стане нов играч на Галатасарај. Турскиот шампион се договори со ПСЖ за доведување на аргентинскиот напаѓач, кој ќе продолжи да го носи дресот на гигантот од Истанбул.
Аргентинецот минатата сезона ја мина на позајмица во тимот од Истанбул. Блескаше на теренот и го предводеше тимот на Галата во турскиот шампионат со 23 гола во 26 настапи за клубот.
Во изминатиот период тој беше поврзуван со екипи од Саудиска Арабија и од Италија. Сепак, на крајот реши да се врати во Галата каде стана икона на тимот.
