Францускиот првак Пари Сен Жермен доведе уште едно засилување за новата сезона. Тоа е јужнокорејскиот интернационалец Канг-Ин Ли.
Oфанзивниот играч за врска потпиша петгодишен договор, а Мајорка за него доби нешто повеќе од 20 милиони евра.
Тој е првиот фудбалер од Јужна Кореја кој ќе настапува за ПСЖ.
„Задоволство ми е што пристигнав во еден од најголемите клубови во светот. Тука има исклучителни играчи со кои сум сонувал дека ќе играм. Едвај чекам да започне мојата авантура”, изјави Канг-Ин Ли.
