Францускиот прволигаш Пари Сен Жермен е во проблеми пред мечот против актуелниот шампион Лил, откако Килијан Мбапе дефинитивно отпадна за овој меч. Брзоногиот напаѓач има инфекција на увото, грлото и носот и ќе се врати на тренинзи следната седмица. Но, за проблемот на Покетино да биде поголем денеска не тренираше и Лионел Меси.
Аргентинецот има проблеми со болки во мускулите и неговиот настап против Лил е под прашање.
„Како мерка на претпазливост решивме да не тренира. Не знаеме дали Меси ќе игра против Лил, за тоа ќе одлучиме на денот на натпреварот“, изјави тренерот на ПСЖ, Маурисио Покетино.
И тоа не е се. Марко Верати ќе биде во аут четири недели, а Леандро Паредес е надвор од терените од поодамна.
