Лајпциг ја прекина лошата серија од три последовни порази и конечно победи, на домашен терен со 2-0 против Унион Берлин. Тоа е прв триумф за Лајпциг откако во овој тим трансфер направи македонскиот репрезентативец Елиф Елмас.
На овој меч, Елмас доби шанса околу петнаесетина минути во финишот од дуелот.
Лоис Опенда во 11.минута го отвори резултатот, а Бењамин Шешко го потврди триумфот во 48.минута. Унион Берлин во 73.минута остана и со фудбалер помалку поради исклучувањето на Кристофер Тримел.
