Напаѓачот Моисе Кин нема да му се приклучи на Атлетико Мадрид откако не ги помина медицинските прегледи, објави „Марка“.
Прегледите покажаа дека играчот на Јувентус има повреда поради која ќе биде надвор од терените најмалку четири седмици. Ова е значаен период, поради што е бесмислено да биде ангажиран во мадридскиот тим до лето.
Моисе Кин добиваше мала минутажа во текот на сезоната во Јувентус и сакаше да се пресели во нов тим за да добие повеќе шанси за настап. Атлетико Мадрид требаше да плати половина милион евра за шестмесечна позајмица. Во договорот немаше опција за купување на италијанскиот интернационалец.
