Македонија ЃП ќе биде домаќин на ЦСКА Софија во првиот меч од второто квалификациско коло во Конференциската лига на УЕФА. Иако треба да гостува, сепак, УЕФА одлучи да го примени домаќинството затоа што во ист термин треба да играат и Левски и ПАОК.
Според новата одлука, на 21. јули Македонија ЃП прво ќе го дочека бугарскиот тим во Скопје, а седум дена подоцна ќе гостува во Софија на стадионот „Бугарска Армија“.
Македонија ЃП ги започна подготовките за европските настапи, откако минатата сезона го освои трофејот во националниот Куп.
